Foydalanish shartlari

1. Xizmat tavsifi

Stars API ("xizmat", "platforma") — foydalanuvchilarga o'z TON walletlaridan Telegram Stars sotib olishni Fragment.com orqali avtomatlashtirish imkonini beruvchi dasturiy vosita. Xizmat Telegram yoki Fragment.com'ning rasmiy mahsuloti emas.

2. Ro'yxatdan o'tish va loyihalar

Xizmatdan foydalanish uchun akkount yaratasiz. Bitta akkountda bir nechta "loyiha" ochishingiz mumkin — har biri mustaqil wallet va API kalitga ega. API kalitingiz maxfiy hisoblanadi va uni uchinchi shaxslarga oshkor qilmasligingiz kerak.

3. Wallet va mablag'lar uchun javobgarlik

Seed-fraza (wallet kalitlaringiz) serverda shifrlangan holda saqlanadi, lekin mablag'laringizning to'liq nazorati va javobgarligi sizga tegishli. Seed-frazangizni xavfsiz saqlash, uni yo'qotmaslik va uchinchi shaxslarga bermaslik — sizning mas'uliyatingiz. Platforma seed-fraza yo'qolishi, sizdan chiqqan sabab bilan ruxsatsiz kirish yoki mablag' yo'qotilishi uchun javobgar emas.

4. Blokcheyn tranzaksiyalari — qaytarib bo'lmaydi

TON blokcheynidagi barcha tranzaksiyalar qaytarib bo'lmaydigan xususiyatga ega. Noto'g'ri kiritilgan username yoki miqdor tufayli yuborilgan Stars yoki mablag'larni qaytarib olish mumkin emas. So'rov yuborishdan oldin ma'lumotlarni tekshiring.

5. Xizmat haqi

TON (gram) bilan to'langan har bir muvaffaqiyatli xariddan 1.7% xizmat haqi avtomatik ushlab qolinadi va star to'lovi bilan bitta tranzaksiyada birga yuboriladi. USDT bilan to'langan xaridlarda xizmat haqi hozircha ushlab qolinmaydi. Tariflar oldindan ogohlantirmasdan o'zgarishi mumkin.

6. Fragment.com'ga bog'liqlik

Xizmat Fragment.com'ning norasmiy (hujjatlashtirilmagan) veb-interfeysidan foydalanadi. Fragment tomonidan identifikatsiya (KYC) talab qilinishi, narxlarning o'zgarishi yoki xizmatning vaqtincha ishlamay qolishi platforma nazoratidan tashqarida bo'lib, bunday holatlar uchun platforma javobgar emas.

7. Taqiqlangan foydalanish

Xizmatdan noqonuniy maqsadlarda, pul yuvish, firibgarlik yoki uchinchi shaxslar huquqlarini buzuvchi harakatlar uchun foydalanish qat'iyan taqiqlanadi. Bunday holatlar aniqlansa, akkount ogohlantirishsiz bloklanishi mumkin.

Javobgarlikni cheklash

Xizmat "qanday bo'lsa shundayligicha" taqdim etiladi, hech qanday kafolatsiz. Platforma to'g'ridan-to'g'ri yoki bilvosita yetkazilgan zararlar, foyda yo'qotilishi yoki mablag'lar yo'qolishi uchun javobgar emas — qonun ruxsat bergan maksimal darajada.

9. Shartlarning o'zgarishi

Ushbu shartlar vaqti-vaqti bilan yangilanishi mumkin. Xizmatdan foydalanishni davom ettirish yangilangan shartlarga rozilik bildirish hisoblanadi.